Vətən müharibəsi şəhidi Eldar Əliyevin xatirə lövhəsinin açılışı olub - FOTO

19:30 13-10-2021 7

Oktyabrın 13-də Vətən müharibəsi şəhidi Əliyev Eldar Süleyman oğlunun anım günündə məzarı ziyarət olunub və xatirə lövhəsinin açılışı olub.

Tədbirdə Xətai rayon İcra Hakimiyyətinin başçısı Rafiq Quluyev, AMEA-nın Neft Kimya prosesləri İnstitunun direktoru akademik Vaqif Abbasov, şəhidin ailə üzvləri, qazilər, Vətən müharibəsi iştirakçıları və digər ictimaiyyət nümayəndələri iştirak ediblər.

Çıxış edənlər şəhid ailələrinə və qazilərə göstərilən diqqət və qayğıya görə dövlət başçısı İlham Əliyevə  və Azərbaycanın Birinci vitse-prezidenti  Mehriban xanım  Əliyevaya  minnətdarlıqlarını bildiriblər. 

Şəhidin xatirə lövhəsinin yerləşdiyi küçədə və valideynlərinin yaşadığı evdə abadlıq və təmir  işləri aparılıb.