Azərbaycan avtomobil istehsalını artırıb - FOTO

11:01 16-12-2021 4

Azərbaycanda 2021-ci ilin yanvar-noyabr aylarında istehsal edilən avtomobillərin sayı açıqlanıb.

milletinsesi.info-ın Dövlət Statistika Komitəsindən əldə etdiyi məlumata əsasən, müvafiq dövrdə ölkəmizdə 1 992 ədəd minik avtomobili istehsal edilib.

Bu istehsal həcmi ötən ilin eyni dövrü ilə müqayisədə 350 ədəd və ya 21,3 faiz çoxdur. Təkcə noyabr ayında isə 130 ədəd minik avtomobili istehsal edilib.

11 ay ərzində ölkəmizdə 610 ədəd traktor istehsal edilib. Bu, ötən ilin eyni dövrü ilə müqayisədə 2 dəfə çoxdur. Təkcə noyabr ayında isə 29 ədəd traktor istehsal olunub.

Ümumilikdə isə 399 milyon manatlıq maşın və avadanlıqları, digər nəqliyyat vasitələri, avtomobil, qoşqu və yarımqoşqular istehsal edilib.

Əvvəlki ilin müvafiq dövrü ilə müqayisədə avtomobil, qoşqu və yarımqoşquların istehsalı 1,6 faiz artıb, maşın və avadanlıqların istehsalı 11,1 faiz, sair nəqliyyat vasitələrinin istehsalı isə 90,2 faiz azalıb.

Nigar Məmmədova