Binəli Yıldırım rusiyalı sülhməramlılardan və Zəngəzur dəhlizindən DANIŞDI

09:40 06-11-2021 10

“Cənubi Qafqaz regionunda sülhün və təhlükəsizliyin yaradılması üçün geniş üfüqlər açılır”.

milletinsesi.info xəbər verir ki, bunu VIII Qlobal Bakı Forumunun panel müzakirələrində Türkiyənin keçmiş Baş naziri Binəli Yıldırım deyib.

O bildirib ki, Rusiya sülhməramlılarının Qarabağdakı bəzi bölgələrdə yerləşdirilməsi Moskva qarşısında yeni məsuliyyətlər qoyur.

B.Yıldırım əlavə edib ki, Laçın dəhlizinin istifadəsində problemlər yaranır: “Biz bəzən Laçın dəhlizində hansısa təxribatların şahidi oluruq”, - deyə o əlavə edib.

Keçmiş baş nazir qeyd edib ki, Zəngəzur dəhlizi mütləq açılmalıdır. B.Yıldırım Türkiyənin proseslərdəki rolundan danışıb:

“Türkiyə bu regionu Mərkəzi Asiya və Avropa arasında yeni bağ qurulması kimi nəzərdən keçirir və bu istiqamətdə təşəbbüslər ortaya qoyur”, - deyə B.Yıldırım əlavə edib.

Aqşin Kərimov