Qaçış üzrə dünya və olimpiya çempionu COVID-19-a yoluxub

11:47 01-08-2020 5

Cənubi Afrika Respublikasından (CAR) olan dünya və olimpiya çempionu Ueyd Van Niker koronavirusa yoluxub.

Bu barədə “DH les Sports” nəşri xəbər yayıb.

İki dəfə dünya, 2016-cı ildə isə 400 metr məsafəyə qaçış üzrə olimpiya çempionu olmuş idmançının COVID-19 üçün götürülən test nümunələri müsbət çıxıb.

Ueyd Van Niker avqustun 1-də İtaliyanın Triyest şəhərində keçiriləcək yarışlarda iştirak etməli idi.